வேலைக்காரி

1 review for வேலைக்காரி

1. 

   Rated 5 out of 5

   Kathir Rath – April 8, 2020

   வேலைக்காரி

   அறிஞர் அண்ணா

   நாடகத்துறையையும் திரைத்துறையையும் தமது அரசியலை மக்களிடம் கொண்டு சேர்ப்பதற்காக திராவிட இயக்கங்கள் அளவுக்கு வேறு எந்த அரசியல் இயக்கமும் பயன்படுத்தி கொண்டதில்லை. இராமாயணம் மெகாத்தொடரை பயன்படுத்தி வளர்ந்த பாஜகவை ஓரளவு ஒப்பிடலாம். ஆனால் அது ஏற்கனவே இருந்த உணர்வை வளர்த்தது. மறுப்பு அரசியலை பேசிய திராவிட இயக்கங்களின் முக்கய படைப்புகள் என்றால் முதலில் கலைஞரின் பராசக்தி தான் நினைவுக்கு வரும். அப்படி அறிஞர் அண்ணாவின் புகழ்பெற்ற படைப்பு வேலைக்காரி.

   நாடக மேடைகளில் பெருவெற்றி பெற்று சினிமாவாகவும் வெற்றி பெற்ற படைப்பு. இதுவெல்லாம் கேள்விப்பட்டதுதானே ஒழிய நான் கண்டதில்லை. இப்போதுதான் படிக்க வாய்ப்பு கிடைத்தது. சிறிய நூல்தான். நாடக பாணியில் இருப்பதால் அரை மணியில் வாசித்து விடலாம்.

   பணத்திமிரும் சாதித்திமிரும் கொண்ட ஊர் ஜமின்தாரை அவரால் பாதிக்கப்பட்ட ஆனந்தன் என்பவர் பழிவாங்கி திருத்துவதுதான் கதை. வெறுமனே பிரச்சார தொனியில் இல்லாமல் அடுத்தடுத்த திருப்பங்கள் நிறைந்துள்ளன. இப்போது நமக்கு பெரிதாய் தெரியவில்லை என்றாலும் 1950 க்கு முந்தைய காலகட்டத்தில் இருந்து யோசித்து பார்த்தால் இதன் வீச்சு புரியும்.

   ஆள் மாறாட்டம், கொலை, போலி சாமியாரின் மோசடி, நீதிமன்ற காட்நிகள் என அன்றைய நாடக ரசிகர்களை முழுவதும் கட்டிப்போட்ட படைப்பாக உள்ளது. அதிலும் அண்ணாவின் தமிழிற்காகவே தாராளமாக வாசிக்கலாம்.