கொலைக் களங்களின் வாக்குமூலம்

1 review for கொலைக் களங்களின் வாக்குமூலம்

1. 

   Rated 5 out of 5

   ART Nagarajan – April 25, 2020

   கொலைக் களங்களின் வாக்குமூலம்
   தோழர் அருணன்.
   வசந்தம் வெளியீடு.

   பஞ்சமி நிலங்களை மட்டுமல்ல,
   பஞ்சமர் வரலாறுகளையும்
   மீட்க வேண்டியுள்ளது.
   தெய்வீக மூடியை
   கழற்றிப் பார்த்தால்
   கிளர்ச்சி முகம் தெரிகிறது!

   நந்தனை எரித்த வர்ணாசிரம நெருப்பில் மிச்சமிருப்பவை இன்னமும் கனன்று கொண்டுதான் இருக்கிறது.

   நந்தனை எரித்துவிட்டு இறுமாப்போடு திரிந்தவர்களை,
   ஒன்றும் செய்யமுடியாமல், இவ்வளவு காலமும்,
   கண்டும், கேட்டும்
   ஆனந்த நடனமாடுகிறார் தில்லைநடராஜர்.

   காத்தவராயனை ஆரியமாலை காதலித்ததற்கு கழுவில் ஏற்றியதும் வர்ணாசிரம நெருப்பில் தான்.

   மன்னர் திருமலை ஆசைப்பட்ட
   வெள்ளையம்மாள்,
   மதுரைவீரன் மேல் காதல் கொண்டது,
   அரன்மனை குற்றமாகிப்
   போனது.

   அதனால்
   மதுரை வீரன்
   மாறுகால், மாறுகை வாங்கப்பட்டதும்,
   பொம்மியும்,
   வெள்ளையம்மாளும் தீப்பாய்ந்ததும்
   வர்ணாசிரம நெருப்பில் தான்.

   முத்துப்பட்டன் பிராமணன்
   இவன் அருந்ததியப் பெண்களான பொம்மக்கா, திம்மக்கா என்ற சகோதரிகளை
   திருமணம் செய்து கொள்வதற்காக
   பூணூலை அறுத்தெறிந்து திருமணம் செய்து கொண்டதால்
   முத்துப்பட்டனையும்,
   வெட்டிச் சாய்த்தது
   வர்ணாசிரம நெருப்புதான்.

   உழைக்கும் மக்களின்
   வாழ்வியல் இலக்கியங்களை வாசிப்பதன் மூலம்தான் இலக்கியம் நெறிப்படுகிறது!

   வாசிப்பு அறிவை மேம்படுத்தும்
   ART.நாகராஜன்
   புத்தக வாசல், மதுரை.