நாற்கரம்

இந்த நூற்றாண்டின் இரண்டாம் தசாப்தம் நிறைவுறுகிற கடைசிக் காலம் இது. எழுத்துப்பிரதிகளின் வழியே தன் வாழ்வின் கதைகளைச் சொல்லிவிடத் துடிக்கும் நீண்ட தலைமுறையின் தொடர்ச்சியில் புதிது புதிதாக கிளர்ந்து வந்துகொண்டே இருக்கும் மனங்களுக்கு எந்தக் காலத்திலும் ஓய்வில்லை. அப்படியான புத்துயிர்ப்போடு வந்திருப்பவர் இந்நாவலாசிரியர் திலிப். பள்ளிப்படிப்பை கரூரிலும், திருச்சி பொறியியற் கல்லூரியில் இளங்கலையும் முடித்துவிட்டு, வளைகுடா நாடான கத்தாரில் பொறியாளராகப் பணிபுரிந்து வந்தவர் தற்போது தனது சொந்த ஊரான கரூரில் சுயதொழில் முயற்சிகளில் ஈடுபட்டு வருகிறார். இவரது முதல் நாவல் நாற்கரம்.