முதுகுளத்தூர் படுகொலை – தமிழ்நாட்டில் ஜாதியும் தேர்தல் அரசியலும்
Publisher: பாரதி புத்தகாலயம் Author: கா.அ.மணிக்குமார் (தமிழாக்கம்: ச.சுப்பாராவ்)₹175.00
1957 ஆம் ஆண்டு தென் தமிழகத்தின் இரு பெரும் ஜாதியினரான தேவர்களுக்கும், தேவேந்திரகுல வேளாளர்களுக்கும், இடையே ஜாதிய, மோதல் வெடித்தது. முத்துராமலிங்கத் தேவர் பதவி விலகலுக்குப் பிறகு நடக்கவிருந்த சட்டசபை இடைத்தேர்தல் இந்த வன்முறைக்கு தூண்டுகோலாக இருந்தது. மாவட்ட நிர்வாகம் ஏற்பாடு செய்த அமைதிப் பேச்சுவார்த்தைக் கூட்டத்தில் தேவேந்திரகுல வேளாளர்களின் பிரதிநிதியாக இம்மானுவேல் சேகரன் இடம்பெற்றதை முத்துராமலிங்கத் தேவர் ஆட்சேபித்தார்.
மறுதினம் இம்மானுவேல் சேகரன் கொல்லப்பட்டார். படுகொலையைத் தொடர்ந்து குற்றவாளிகளை கைது செய்ய எடுக்கப்பட்ட நடவடிக்கையின் போது ஐந்து தேவர்கள் காவல் துறையினரால் சுட்டுக் கொல்லப்பட்டனர். இது தொடர் வன்முறைச் சம்பவங்களுக்கு இட்டுச் சென்றது. முதுகுளத்தூர் கலவரம் என்ற பெயரில் பொது நினைவில் பதிந்து உள்ள இந்நிகழ்வு அவ்வப்போது தேவர்களாலும், தேவேந்திரகுல வேளாளர்களாலும் மீள் கவனம் கொள்ளப்படுகிறது.
தேவர்கள் அரசு வன்முறை என்பதாக நினைவு கூறுகின்றனர். தேவேந்திரகுல வேளாளர்கள் தங்களுக்கு எதிரான ஆதிக்க ஜாதி வன்முறை என்பதோடு தங்களுடைய வீரம் செறிந்த எதிர்ப்புப் போராட்டம் என்ற வகையிலும் நினைவு கூறுகின்றனர். இந்த வரலாற்று முக்கியத்துவம் வாய்ந்த நிகழ்வு குறித்த விரிவான முதல் ஆய்வு ‘முதுகுளத்தூர் படுகொலை’.
‘தமிழ்நாட்டின் இன்றைய அரசியல், சமூகச் சூழலைப் புரிந்து கொள்ள விரும்பும் எவரும் கட்டாயம் வாசிக்க வேண்டிய நூல்’
ஆ.இரா.வேங்கடாசலபதி
Delivery: Items will be delivered within 2-7 days
Description
Reviews (2)
2 reviews for முதுகுளத்தூர் படுகொலை – தமிழ்நாட்டில் ஜாதியும் தேர்தல் அரசியலும்
Add a review
You must be logged in to post a review.
Related products
பரிசு பெற்ற நூல்கள் / Award Winning Books
ART Nagarajan –
“மீசை என்பது வெறும் மயிர்”
ஆதவன் தீட்சண்யா,
தடைசெய்யப்பட்ட நூல்களை
வெளிக்கொண்டு வருவதற்கான
“ஈஜின்”நூலகம் இந்த நூலை வெளிக்கொண்டு வந்திருப்பது பொருத்தமானதொரு நடவடிக்கை!
நாடு திரும்பா
எழுத்தாளர் வரிசையில்
நந்தஜோதி பீம்தாஸ்
அவர்களின் நூலை,
சுருக்கமாகவும், சந்திப்பு,
மற்றும் நேர்காணல், மூலம் கிடைத்த அரிய தகவல்கள் அனைத்தும் சமூக பயன்பாட்டுக்கு
காலத்தின் தேவையாக உள்ளது.
மனித குலம் கூட்டாக அடைந்த முன்னேற்றங்களின் மீது
ஒரு குழு தனியுரிமை கொண்டாடத் தொடங்கியதுமே வருந்தத்தக்க வகையில்
மீண்டும் பூஜ்ய நிலைக்கு சென்றுவிடும் என்கிற ஆபத்தை
நேர்த்தியானா வகையில்
இந்த நூலில்
“ஆதவன் தீட்சன்யா” சொல்லியிருக்கிறார்
“மீசை” அதிகாரத்தின் அடையாளமாக மாறியதும் அடக்குமுறைக்கு எதிரான போராட்டத்தில் “மீசை”யின் போராட்ட வடிவம் என்பது
பெண்கள் கையாளும்போது சமூகமாற்றத்திற்கான
ஆயுதமாக மாறியது அதியற்புதம்
“ஆதவன் தீட்சன்யா ”
மனித குலத்தின் ஆழ் மனங்களை தோண்டி எடுத்து,
அவரின் எழுத்துக்களோடு
நம்மை போராட வைத்திருக்கிறார்
இந்த நூலின் வெற்றி
நமது வாசிப்பில் மட்டுமே உள்ளது
சபாஷ்
ஆதவன் தீட்சன்யா!!
வாசிப்பு அறிவை மேம்படுத்தும்
ART. நாகராஜன்,
புத்தக வாசல், மதுரை.
Art Nagarajan –
பதிவு எண்: 14
முதுகுளத்தூர் படுகொலை
க. அ. மணிகுமார்
தமிழில். ச. சுப்பாராவ்
பாரதி புத்தகாலயம்.
மனோன்மணியம்
சுந்தரனார் பல்கலைக்கழகத்தில் வரலாற்றுத்துறை
பேராசிரியராக இருந்தவர் திரு.மணிக்குமார்,
யார் மீதும் எந்தக்
காழ்ப்புமில்லாமல்,
கிட்டத்தட்ட
நடுநிலையாகவே
இந்த நூலை ஆவணப்படுத்தியிருக்கிறார்!
கலவரத்தின் போது
நடந்த
ஒவ்வொரு
சம்பவத்தையும்
ஒவ்வொரு
விமர்சனத்தையும்
நாம் அவரளித்த
சான்றுகளைப் பார்த்து
சரிபார்த்துக்
கொள்ளவும் தூண்டுகிறார்.
இதற்கு முன்,
இந்தப் படுகொலை மற்றும் கலவரங்கள் பற்றி
எழுதப்பட்ட சில நூல்களை, ஒருதலைப்பட்சமானவைகள்
என்று ஆசிரியர்
வர்ணிக்கிறார்.
கி.பி. 1924,
முதுகுளத்தூர் தாலுகா,
செல்லூர் கிராமத்தில்
பிறந்தவர்
இம்மானுவல் சேகர்.
உயர்நிலை பள்ளி வரை
சென்றவர்.
ராணுவத்தில் பணியாற்றி,
பின் ஓய்வு பெற்று
தன் கிராமத்திற்கு வந்தவர்.
தன்னுடைய மக்கள்
படும் பாட்டைச்
சகிக்க மாட்டாமல்
வெகுண்டெழுந்து
பெருமாள் பீட்டர்
உருவாக்கிய
“நலிவடைந்தோர்
இளைஞர் கழகம்”
என்கிற அமைப்பில் சேர்ந்து,
படித்த தாழ்த்தப்பட்ட
இளைஞர்களை அதில் ஒருங்கிணைத்தார்.
தன்னுடைய கிராமத்தில்
நிலவி வந்த
இரட்டைக் குவளை
முறையை ஒழிக்கவும், பொதுக்கிணற்றில்
தண்ணீர் எடுக்கவும்
தொடர்ந்து போராடினார்.
இம்மானுவல் சேகரன் யார் ?
அவர் ஏன் படுகொலை செய்யப்பட்டார் ?
அவரைக் கொலை செய்தது யார் ? கொலையாளிகள் தண்டிக்கப்பட்டனரா?
கொலைக்குப் பின்
நடந்தது என்ன ?
கொலைக்கு முன்
நடந்தது என்ன ?
இதைத்தான் விரிவாக,
துல்லியமான
ஆவணங்களுடன்
நூலாசிரியர் விவரிக்கிறார்!
இம்மானுவல் சேகரன்
படுகொலை ஏன் நிகழ்ந்தது
எனப் பார்க்கும் முன்,
அப்போதைய
கிழக்கு ராமநாதபுரம்
எப்படி இருந்தது,
அங்கிருந்த மக்கள் யார்,
அவர்களின் வாழ்க்கைமுறை, கலாச்சாரம், பண்பாடு என்ன
என்று பார்ப்பதே
சரியாக இருக்கும்.
கி.பி.1850 களுக்குப் பிறகு, இந்தியாவின் பெரும்பகுதி நேரடியாகவே
பிரிட்டீஷாரின் கீழ் வருகிறது. தென்னிந்தியா அல்லது
தமிழகத்தின் முழுப் பகுதியும் அவர்களுடைய
நேரடிக் கட்டுப்பாட்டின் கீழ்
கொண்டு வரப்பட்டுவிட்டது.
பாளையக்கார முறை
முழுமையாக கலைக்கப்பட்டு,
அந்தச் சிற்றரசர்கள்
அனைவரையும்
செல்லாக் காசாக்கிவிட்டார்கள்.
ஒரு சில பிரதேசங்கள்
சிற்றரசர்கள்,
ஜமீன்தார்களின்
கட்டுப்பாட்டில் இருந்தாலும்,
அவர்கள்
பிரிட்டீஷ் அரசுக்கு
முழு அடிமைகள்.
கேட்பதைக் கொடுப்பார்கள், சொன்னதைச் செய்வார்கள்.
இதனால்,
அப்போதைய
கிழக்கு ராமநாதபுரம்,
ராமநாதபுர சேதுபதி மன்னரின் கட்டுப்பாட்டில் இருந்தாலும், பாளையக்கார ஜமீன்களின் கட்டுப்பாட்டில்
பெரும்பாலும் இருந்த பகுதியாகத்தான்
கிழக்கு ராமநாதபுரம்
இருந்தது.
தேவகோட்டை அருகே இலவங்கோட்டை
ஊர்த்திருவிழாவில்
பங்கேற்பதில் ஏற்பட்ட
தள்ளுமுள்ளு தகராறாகி
காவல்துறை உள்ளே நுழைந்தது
63 பேரைக் கைது செய்து
சிறையில் அடைத்தது.
1957ல்
கிழக்கு ராமநாதபுரம்.
பல்வேறு வழக்குகள்,
கைதுகள், தண்டனைகள் என தொடர்ந்ததாலும்
தினமும்
பதைபதைப்போடு
இருந்த
அந்தப் பகுதியில்
அமைதியை நிலைநாட்ட,
ராமநாதபுர மாவட்ட ஆட்சியர்
சி .ஆர். பணிக்கர்
ஓர் அமைதிக் கூட்டத்திற்கு
ஏற்பாடு செய்தார்.
10 செப்டம்பர் 1957 அன்று, முதுகுளத்தூரில் கூடிய
அமைதிப்
பேச்சு வார்த்தைக்கான
அரசு நடத்திய கூட்டத்தில்
கலந்துக் கொள்ள
ராமநாதபுரத்தின்
பிரதான சாதிப் பிரதிநிதி
தலைவர்கள் மற்றும்
டி ஐ ஜி, சூப்பிரண்டன்ட் போன்றோர்க்கு
அழைப்பு விடுக்கப்பட்டது.
தாழ்த்தப்பட்ட மக்களின்
பிரதிநிதியாக
இம்மானுவல் சேகரன்,
பெருமாள் பீட்டர்,
வேதமாணிக்கம்
போன்றோரை
அழைத்திருந்தார் பணிக்கர். பொதுமக்களின்
பிரதிநிதியாக
சீனிவாசன் ஐயர் என்பவர்
கலந்து கொண்டார்.
இலவங்கோட்டை
சம்பவத்திற்குப் பிறகு
மகாத்மா காந்தி
உருவாக்கியிருந்த
ஹரிஜன் சேவா சங்கம்
என்கிற அமைப்பு மூலம் ஒடுக்கப்பட்டோர் மேலும் பல உரிமைகளைப் பெற்றனர்!
தமிழ்நாடு ஹரிஜன்
சேவா சங்கத்தின்
தலைவரான
டி.எஸ்.எஸ். ராஜன்,
மதுரை ஏ. வைத்தியநாத ஐயர், முக்குலத்தோர் சார்பாக முத்துராமலிங்கத் தேவர் முன்னிலையில்
ஆட்சியர் பணிக்கர்
தலைமையில்
ஓர் ஒப்பந்தம்
நிறைவேறியது.
மறுநாள்,
செப்டம்பர் 11 1957,
காலை
பரமக்குடியில்,
பாரதியார் நினைவு நாளை
முன்னிட்டு
நடத்தப்பட்ட
பொதுக்கூட்டத்தை
முடித்துவிட்டு
வீடு திரும்பிய,
இம்மானுவல் சேகரன்,
இரவு எட்டரை மணிக்கு
டின்னர் முடித்தபின்,
வெற்றிலை பாக்கு
கடைக்குச்
சென்று வருகிறேன்
என மனைவியிடம்
கூறிவிட்டு
நண்பர்
கிருஷ்ணமூர்த்தியுடன்
வெளியில் கிளம்பினார்.
அவரோடு,
வெளியே வந்த
அவரது மனைவி
அமிர்தம் கிரேஸ்
அம்மையார்,
கொஞ்சம்
எச்சரிக்கையா இருங்க,
நிறைய பகையச்
சம்பாரிச்சு வச்சிருக்கீங்க என்றிருக்கிறார்.
இரவு மணி 09:30.
வெளியூரிலிருந்து
பஸ் வந்தது.
பஸ்ஸிலிருந்து
இறங்கியவர்கள்
கையில் வேல்கம்பும்,
வீச்சரிவாளுமா வந்திருந்த
அந்தக் கும்பல்,
தாழ்த்தப்பட்ட மக்களின்
விழைவுகளை
தைரியமாகச்
சொல்லிக்கொண்டிருந்த
அந்த 33 வயது இளைஞனின்
குரலை நிறுத்தியது!
ராமநாதபுரம் மாவட்டம்
பரமக்குடியில்
இமானுவேல் சேகரன்
படுகொலை,
அதையொட்டி
காவல்துறை நடத்திய
கீழத்தூவல் துப்பாக்கி சூடு!
தென்மாவட்டங்களில்
இரு பிரிவினருக்குள்
ஏற்பட்ட மோதல்,
தமிழ்நாட்டையே
உலுக்கி எடுத்து
“முதுகுளத்தூர் கலவரம்”
ஆக உருவெடுத்தது எப்படி!
1932ல் இருந்து
ராமநாதபுரம் மாவட்டத்தின்
சமூக வரலாறுகளை
தமிழக அரசின்
பதிவேடுகளின் மூலம்
மணிகுமார் ஆங்கிலத்தில் ஆவணப்படுத்திய
அனைத்தையும்
தோழர்.சுப்பாராவ்
மிக தெளிவாக
தமிழில் மொழிபெயர்த்து
நம் கண்முன்னால்
நிறுத்துகிறார்.
அந்த காலகட்டங்களில்
தமிழக அரசியல்
தலைவர்களின் நிலைபாடு,
கலவரம் ஒடுக்கப்பட்டபின் ராமநாதபுரம்
மாவட்டத்தின் நிலை
அந்த மாவட்டத்து மக்களின் பொருளியல் வாழ்வு,
கல்வி, ஆகியவற்றில்
தமிழக அரசின் செயல்பாடு, இவர்களெல்லாம்
ஒரு ஆராய்ச்சி
கட்டுரையைப் போல்
நமக்கு தந்திருக்கிறார்
பேராசிரியர்
திரு.மணிக்குமார்
அவர்கள்.
அரசியல்
ஆர்வமுள்ளவர்கள்
படித்து
மனதில் நிறுத்த வேண்டிய,
சமூக அரசியல் வரலாறு
அறிந்து கொள்ள வேண்டிய நூல்!
வாசிப்பு அறிவை மேம்படுத்தும்,
ART. நாகராஜன்,
புத்தக வாசல், மதுரை.
9894049160.
13.11.2020.