தேசியக் கல்விக் கொள்கை பின்னணி மர்மங்கள்

திரு.கஸ்தூரிரங்கன் தலைமையிலான குழு மத்திய அரசுக்குச் சமர்ப்பித்திருக்கும் ‘தேசியக் கல்விக்கொள்கை வரைவு-2019’ குறித்து தொடர்ந்து வெளிவந்து கொண்டிருக்கும் கட்டுரைகள், நூல்களின் வரிசையில் இந்நூல் ஒரு முக்கியமான இடத்தைப் பெறுகின்றது.

உள்ளும் புறமுமாக இவ்வரைவறிக்கை தயாரிக்க நியமிக்கப்பட்ட குழுவின் 11 பேர் பின்னர் 9 பேர் ஆன கதையிலிருந்து துவங்கி அந்த 9 பேரின் அரசியல்,கல்விப் பின்புலம் என்ன என்பதை ஆதாரங்களுடன் விவரிக்கிறது.ஒன்பது பேரில் இரண்டு பேரைத்தவிர பிற எல்லோருமே (கஸ்தூரிரங்கன் உட்பட) ஆர்.எஸ்.எஸ்.காரர்களாவோ அல்லது இந்துத்துவ அமைப்புகளில் ஏதேனும் ஒன்றுடன் நெருக்கமானவர்களாகவும் இந்துத்துவ சிந்தனைகளை ஏற்றவர்களாகவும் இருப்பதை வெளிச்சமிட்டிருக்கிறார்
முனைவர் சந்திரகுரு.