எம்.கே. தியாகராஜ பாகவதர்

1 review for எம்.கே. தியாகராஜ பாகவதர்

1. 

   Rated 5 out of 5

   ART Nagarajan – May 15, 2020

   எம். கே. தியாகராஜ பாகவதர்
   ஜெ. ராம்கி
   வானவில்.

   தங்கநகைத் தொழில் செய்யும் விஸ்வகர்மா குலத்தை சேர்ந்த கிருஷ்ணமூர்த்தி, மாணிக்கத்தம்மாளுக்கும்
   1910 மார்ச் 01ல் பிறந்த குட்டிமாணிக்கம் தான்
   மாயவரம் கிருஷ்ணமூர்த்தி தியாகராஜ பாகவதர்!

   தனது 9வது வயதில்
   பாடத் துவங்கிய
   தியாகராஜன்
   தனது 16வது வயதில்
   திருச்சி, கம்மாளத்தெரு, காளியம்மன்கோவிலில்
   “அபிநவ நந்திகேசுவரர் வித்வான் திரு. தட்சிணாமூர்த்தி பிள்ளை” தலைமையில்
   மூன்று மணிநேர கச்சேரி
   நடந்தது,

   தியாகராஜனின் கச்சேரியில்
   தன்னை மறந்த
   தட்சிணாமூர்த்தி பிள்ளை
   வாழ்த்தி பேசுகையில்
   இந்தப் பிள்ளை
   இன்று முதல்
   “தியாகராஜ பாகவதர்”
   என்று பட்டம் சூட்டியதோடு
   வாழ்கிற காலத்திலேயே
   தன் பெட்டியை
   தங்கச் சாவி கொண்டு
   திறப்பான் என்றார்.
   அவர் சொன்னதைப் போலவே
   பின்னாளில் சென்னை மயிலாப்பூர்
   “கபாலி டாக்கீசை”
   தங்கச் சாவி கொண்டு
   திறந்து வைத்தார்.

   நாடகங்களிலும், திரைப்படங்களிலும்
   கொடிகட்டி பறந்த
   காலங்களிலும்
   இசை கச்சேரிகளில்
   தனி கவனம் செலுத்தியவர்.
   சாஸ்திரிய சங்கீதத்தை
   சாமான்ய மக்களுக்கும் எளிமையாக
   புரிய வைத்தவர்.

   தமிழகத்தில்
   “தமிழிசை” இயக்கத்தை
   கொண்டு வந்தவர்
   எம். கே. தியாகராஜ பாகவதர்.

   1944 அக்டோபர் 16ம் தேதி தீபாவளி
   ஹரிதாஸ் படம் ரிலீஸ்.
   வில்லை வளைத்து
   ரம்பா (T.R.ராஜகுமாரி )
   விட்ட அம்பு
   காதல் சின்னத்தில் பட்டு
   பாகவதர் மேல் பூமாரி பொழியும் காட்சியோடு சாகாவரம் பெற்ற
   மன்மத லீலையை வென்றார் என்ற பாடல் துவங்கும்.

   பாகவதர் பாடப் பாட, ராஜகுமாரியின்
   சதிராட்டம் தான்
   படத்தின் ஹைலைட்.

   நின் மதி வதனமும்,
   நீள் விழியும் கண்டு,…

   ‘ரம்பா’,…

   ‘ஸ்வாமி!’…..

   ரம்பா என
   பாகவதர் பாடும்போது
   போதை கொப்பளிக்கும்.

   பக்கத்தில் வரும் T.R.ராஜகுமாரியின்
   முகம் பார்த்து
   பாகவதர் காற்றில் அனுப்பும் “முத்தத்தை” காமிரா
   கன கச்சிதமாக
   படம் பிடித்திருக்கும்.

   இடைச் சாதியினர்களாக
   இருந்து
   தமிழ் சினிமாவில்
   பேரும், புகழும் பெற்ற
   பாகவதரும்,
   அவரது நண்பருமான
   என். எஸ். கிருஷ்ணனும்,
   புகழ் பெற்றவர்களாக இருந்தார்கள்!

   அன்றைக்கு சினிமாவில் முன்னணிக்கு வரவிருந்த நட்சத்திரங்களால்
   திட்டமிடப்பட்டு
   கொலை வழக்கில்
   சிக்க வைக்கப்பட்டனர்
   என்று ஒரு தகவல்
   அன்றய நாளில் பேசப்பட்டது!!

   1944, டிசம்பர் 27,
   இரவு எட்டரை மணி இருக்கும். சென்னை
   அரண்மனைக்காரத் தெருவிலிருக்கும்
   செயின்ட் மேரிஸ் ஹாலுக்கு உள்ளே மிகப்பெரிய கூட்டம், வெளியே அதைக் காட்டிலும் கூட்டம்.

   இளம் பெண்கள்,
   மணமான பெண்கள்,
   வயதான பெண்கள்,
   அந்த இரவு நேரத்தில் காத்திருக்கும் அனைவருக்கும் ஒற்றை நோக்கம் தான்
   அவரை நேரில் ஒருமுறை
   பார்த்து விட வேண்டும், அல்ல தரிசனம் செய்து விடவேண்டும்.

   ஜொலிக்கும் அவரின்
   முகத்தை காண
   பெண்கள் மயங்கிக் கிடந்தனர், ஆண்கள் அவரது குரலில் மயங்கிக் கிடந்தனர்.
   அவர்தான்
   மாயவரம் கிருஷ்ணமூர்த்தி
   தியாகராஜ பாகவதர்!!

   கச்சேரி முடிந்து வெளியேறும் மொத்த கூட்டமும் பாகவதர் பின்னாலேயே ஓடிவர, வெளியில் காத்திருக்கும் கூட்டமும் பாகவதரை பார்த்துவிட முண்டியடிக்க செயின்ட் மேரிஸ் ஹாலில் ஒரே தள்ளுமுள்ளு.

   கூட்டத்தை விலக்கி பாகவதரை நோக்கிமுன்னேறியது போலீஸ்.
   நெருங்கி வந்த இன்ஸ்பெக்டர் பகவதர் அருகில் சென்று,
   சாரி சார்,
   யூ ஆர் அண்டர் அரெஸ்ட்!
   பாகவதர் முகத்தில் அதிர்ச்சி,

   மறுப்பேதும் சொல்லாமல் போலீசாரோடு கிளம்பிச்சென்றார்.
   முப்பது மாத சிறைவாசம் அவரை அடையாளம் தெரியாமல் சிதைத்தது,
   சர்க்கரை நோயால்
   கண் பார்வையை இழந்து, சமயபுரம்,
   மாரியம்மன் கோயிலில்
   இருந்து கொண்டு
   சிகிச்சைக்காக
   சென்னைக்கு
   S.S.R.வந்து அழைத்தும்
   மறுத்து,
   ஒரு சாமியார்
   கொடுத்த கைமருந்தை உட்கொண்டு
   வயிற்றுவலியால் துடித்த
   ஏழிசை மன்னர்
   1959 நவம்பர் 1 ம் தேதி
   தன் இன்னுயிரை இழந்தார்.

   “பாகவதரைப் போல்
   வாழ்ந்தவரும் இல்லை!
   பகவதரைப் போல்
   வீழ்ந்தவரும் இல்லை”
   என்று தமிழ் சினிமாவை
   உலகெங்கும்
   அடையாளப் படுத்தியவர் பாகவதர்.

   வாசிப்பு அறிவை மேம்படுத்தும்,
   ART.நாகராஜன்,
   புத்தக வாசல், மதுரை.

   11.05.2020.