பெரியாரின் இடதுசாரித் தமிழ் தேசியம்

1 review for பெரியாரின் இடதுசாரித் தமிழ் தேசியம்

1. 

   Rated 5 out of 5

   வெற்றிச்செல்வன் – November 2, 2020

   “பெரியார் முன்னெடுத்த இடதுசாரித் தமிழ்த் தேசியக் கொள்கையே நாம் தேர்ந்தெடுக்க வேண்டிய அரசியல் கோட்பாடு என்பது என்னுடைய வலிமையான கருத்து” என்று நூலின் தொடக்கத்திலேயே கூறுகிறார் பேராசிரியர் சுப. வீரபாண்டியன் அவர்கள்.

   பொடா சட்டத்தின்கீழ் சிறையிலிருந்தபோது, இப்படி ஒரு நூலை உருவாக்க வேண்டும் என்ற எண்ணம் கொண்டதாகக் குறிப்பிடும் பேராசிரியர் , ஏழெட்டு ஆண்டுகளாகத் தன்னுள் கனன்று கொண்டிருந்த நெருப்பே இந்நூலாக உருப்பெற்றுள்ளது என்கிறார்.

   பெரியார் குறித்த அவதூறுகளுக்குத் தக்க பதிலடியைத் தரும் இந்நூல், திராவிட இயக்கம் – தமிழ்த்தேசியம் இரண்டிற்குமான இணக்கத்தையும், தொடர்பையும் அறிய விரும்புபவர்களுக்கான பாலபாடம்.

   ம.பொ.சி. அவர்களின் அரசியல் நிலைப்பாட்டைத் தக்க சான்றுகளுடன் தோலுரித்துக் காட்டியிருக்கிறது இந்நூல்.

   தேசிய இனச்சிக்கலும், தமிழ்த்தேசியமும்

   தமிழ்த் தேசியத்திற்குத் திராவிடம் முரணா?

   தமிழரசுக் கழகமும், திராவிடர் கழகமும்

   பெரியாரின் இடதுசாரித் தமிழ்த்தேசியம்

   தமிழ்த்தேசியம், இன்றைய சூழலில்

   ஆகிய ஐந்து தலைப்புகளின்கீழ்,

   நமக்கான அரசியல் களம் குறித்த விழிப்புணர்வைத் தரும் இந்நூல், திராவிட இயக்கப் பற்றாளர் ஒவ்வொருவரின் வீட்டிலும் இருக்க வேண்டிய நூலாகும்.