வலை

ஜான் பிரபு எழுதியிருக்கும் இக்குறுநாவல் பேசுகிற வாழ்வு, கடலோடியின் ஆற்றாமையில் எழுந்ததில்லை. தன் ஏக்கத்தைப் பகிர்ந்துகொள்ளும் கையறு மனநிலையிலும் உதித்ததில்லை. ரத்தமும் சதையுமாய் தங்களை வதைக்கும் சிங்களக் கடற்படையின் சித்ரவதைகளையும், சுக துக்கங்களையும் வெளிக்காட்டி இரக்கம் சம்பாதிப்பதுமில்லை. ‘எங்களுக்கும் ஒரு மென் வாழ்வு உண்டு. எங்கள் தாய், என் தகப்பன், எம் பிள்ளைகள் என்று தனித்த ஓர் வாழ்வு உங்களைப் போலவே எங்களுக்கும் உண்டு. எங்களைப் பற்றி நீங்கள் தெரிந்துகொண்ட செய்திச் சொற்களாய் மட்டும் மரிப்பவர் அல்ல நாங்கள்’ என்று கதையாடுகிறார்.