டேவிட்டும் கோலியாத்தும்
Publisher: சிக்ஸ்த் சென்ஸ் Author: மால்கம் கிளாட்வெல் / தமிழில்: சித்தார்த்தன் சுந்தரம்₹300.00
மனிதனின் எத்தகைய பலமும் அதைப் பிரயோகிக்க முடியாத இடங்களில் பயனற்றதாகவே போகும். எங்கு பலம் எடுபடுகிறதோ அங்கு தான் அது வரவேற்பும், வெற்றியும் பெறுகிறது. அறிவால், ஆற்றலால் பலவீனமான பலர், தம்மிடமுள்ள ஒரே பலத்தால், உத்தியால், பயிற்சியால் மிகப்பெரும் பலவான்களையும் வெற்றி கண்டதாக சரித்திரம் சொல்கிறது.
புறச்சூழலில் உள்ள சில களங்களைப் பார்த்து, வாழ்க்கையில் தன்னைப் பற்றி தாழ்வாக எண்ணி அஞ்சுபவர்கள், தம்மிடம் மறைந்துள்ள பலத்தையும் கண்டறிய வேண்டும். வாழ்க்கையை வெல்ல அந்த பலம் ஒன்று போதும். இந்தச் சூழலுக்கு நாம் பொருந்தாதவர்கள் என்று முடங்குபவர்களுக்கான போராட்டக் கலையை பல்வேறு சம்பவங்கள் மூலமாக இனம் காட்டுகிறது இந்நூல்.
மூவாயிரம் ஆண்டுகளுக்கு முன், போரில் ஆபத்தானவர்களாகக் கருதப்பட்ட பாலஸ்தீனர்கள், ஜென்மப் பகை கொண்ட இஸ்ரேலியரை அஞ்ச வைக்க, 6 அடி, 9 அங்குல கோலியாத் எனும் மாவீரனை, ‘ஒண்டிக்கு ஒண்டி’ சண்டைக்கு அனுப்ப, இஸ்ரேலியர் எவரும் அதற்கு முன்வராத நிலையில், ஒரு ஆடு மேய்ப்பவன் வந்து சாதாரணமாக கோலியாத்தை வெற்றி கொள்கிறான்.
இந்தக் கதையின் அடிப்படையில், பலவீனமானவர்கள் பலரது வெற்றிச் சம்பவங்களை தொகுத்து வழங்கி இருக்கிறார், நூலாசிரியர் மால்கம் கிளாட்வெல். இந்நூலைத் தமிழில் மொழிபெயர்த்திருப்பவர் சித்தார்த்தன் சுந்தரம். கூடைப்பந்தில் அனுபவம் இல்லாத குட்டைப் பெண்களை அதிகமாகக் கொண்ட அணிக்கு, புதிய முறையில் பயிற்சியளித்து வெற்றி பெற வைத்த, வாழ்நாளில் கூடைப்பந்து விளையாடாத விவேக் ரணதிவே; அரேபியப் புரட்சியில், வலிமையான துருக்கி ராணுவத்தைக் கலங்கடித்த டி.இ.லாரன்ஸ் எனப் பலரது போராட்டங்கள் வியக்க வைக்கின்றன.
பத்து வயது வாக்கில் குளிர்காலத்தில் தெருக்களில் பனிக்கட்டி பொறுக்கி, இலையுதிர் காலத்தில் காய்ந்த இலை, சருகுகள் பொறுக்கி, பிற தாழ்ந்த வேலைகளையும் சூழலுக்கேற்ப செய்து, பிற்காலத்தில் ஹாலிவுட்டில் பெரிய செல்வந்தரானவரின் கதையில் ஜேம்ஸ் க்ரப்மேனின் தத்துவம் தன்னம்பிக்கை ஊட்டுபவை. பலவீனமாக எவரும் தன் செயல் உத்திகளால் வாழ்க்கையில் உயர்ந்த நிலைக்குச் செல்ல முடியும் என்பதே நூலின் சாரம்.
ஒவ்வொரு சம்பவத்தையும் வேறு அத்தியாயங்களிலும் இடைச்செருகலாக்கிக் கொண்டு செல்வது, சரளமான வாசிப்பில் நெருடலை ஏற்படுத்துகிறது. நீண்டு செல்லும் விளக்கங்களைச் சுருக்கித் தந்திருந்தால், நூலின் சுவை கூடியிருக்கும்.
– மெய்ஞானி பிரபாகரபாபு
நன்றி – தினமலர்
Delivery: Items will be delivered within 2-7 days
Description
டேவிட்டும் கோலியாத்தும்:
கிட்டத்திட்ட மூவாயிரம் ஆண்டுகளுக்கு முன்பாக புராதன பாலஸ்தீனத்தில் ஆடு மேய்க்கும் சிறுவனான டேவிட் பெரிய உருவத்தைக் கொண்ட பராக்கிரமசாலியான கோலியாத்தை கவணின் உதவிகொண்டு அடித்து கீழே சாய்த்தான் என்பது வரலாறு. அந்தக் காலத்திலிருந்து இன்றுவரை பலவீ னமானவருக்கும் பலமானவருக்குமான பிரச்சினை, போட்டி என்றால் டேவிட், கோலியாத்தைத்தான் நாம் உதாரணமாகச் சுட்டிக் காட்டிக் கொண்டிருக்கிறோம்.டேவிட்டின் வெற்றியை நாம் சாத்தியமற்றது, அதிசயமானது எனக் கூறி வருகிறோம்.
டேவிட்டும் கோலியாத்தும் என்கிற இந்தப் புத்தகத்தில் மால்கம் க்ளாட்வெல் நாம் எதையெல்லாம் வளர்ச்சிக்குத் தடையானது , சாத்தியமற்றது என நினைத்துக் கொண்டிருக்கிறோமோ அதற்கெல்லாம் சவால் விடுகிறார்.
“பாரபட்சம் அல்லது உடல் அளவில் இயலாமை அல்லது பெற்றோரில் ஒருவரை இழந்து நிற்பது அல்லது சாதாரண பள்ளிக்கூடத்தில் படிப்பது அல்லது ஏதேனும் ஒன்றில் பின் தங்கியிருப்பது”-இப்படிப்பட்ட பிரச்சினைகள் கொண்டவர்கள் அதை எதிர்கொண்டு வெற்றி பெற முடியுமா?இந்த மாதிரியான தடைகள் இருந்தால் எதையும் சாதிக்கமுடியாது என நாம் வழக்கமாக நினைப்பதுண்டு.ஆனால் இந்தத் தடைகளுக்கும், சாத்தியமற்றவைகளுக்கும் புதிய விளக்கம் கொடுக்கிறார் மால்கம்.
பல ஆண்டுகளுக்கு முன்பு டேவிட் என்ற ஆடு மேய்க்கும் சிறுவனுக்கும் ,பராக்கிரமசாலியான கோலியாத்துக்கும் என்ன நடந்தது என்கிற ஓர் உண்மைக்கதையோடு இந்தப் புத்தகம் ஆரம்பிக்கிறது. அதிலிருந்து வட அயர்லாந்து, ‘ட்ரபிள்ஸ்’ என அழைக்கப்பட்ட இன தேசியவாத மோதல், புற்றுநோய் ஆய்வாளர்களின் மனநிலை,சமூக உரிமை செயல்பாட்டாளர்கள்,கொலை, அதற்கு பதிலாக பழி தீர்த்தல், வெற்றி பெற்ற/வெற்றி பெறாத வகுப்பறைகளின் இயக்கவியல் எனப் பல தளங்களுக்குப் பயணித்து நாம் எவஎல்லாம் வளர்ச்சிக்குத் தடையாக இருக்கின்றன என நினைக்கிறோமோ அவையெல்லாம் எப்படி வெற்றிக்கு உதவுகின்றன என்பதை பல்வேறு ஆய்வுகளின் துணையுடன் சுட்டிக் காட்டியிருக்கிறார்.
இவருடைய முந்தையப் புத்தகங்கள் போல – TIPPING POINT,BLINK, OUTLIERS,WHAT THE DOG SAW-டேவிட்டிலும் கோலியாத்திலும் நம்மைச் சுற்றியிருக்கும் உலகத்தில் நடப்பதை வழக்கத்திற்கு மாறாக அவதானித்து ஒரு மாற்றுச் சிந்தனையை வரலாறு, உளவியல், சமூகவியல் துறைகளில் செய்யப்பட ஆய்வுகளின் அடிப்படையில் நமக்குத் தந்திருக்கிறார்.
வாருங்கள் நாமும் பயணிப்போம்!!
Reviews (0)
Be the first to review “டேவிட்டும் கோலியாத்தும்”
You must be logged in to post a review.
Related products
தமிழர்கள் வரலாறு / Tamilan's History
தமிழர்கள் வரலாறு / Tamilan's History
Reviews
There are no reviews yet.